Tag: EXPOSICIÓNS

Esta exposición é unha pequena escolma de imaxes documentais e históricas do rural de Compostela e da provincia da Coruña (1934-1989), que forman parte do proxecto editorial multimedia GALICIA NA MEMORIA, unha edición pioneira en España do Ministerio de Agricultura, Pesca e Alimentación, dentro da Serie Fondo Documental Histórico Cinematográfico, con máis de 600 recursos fotográficos e 50 documentais que propoñen unha reflexión contemporánea sobre o rural galego

ABANCA, en colaboración con Afundación e Arraianos Producións, presenta este xoves 3 de novembro en Pontevedra a exposición ‘Os traballos e os días de Francisco Leiro’, que ofrece a posibilidade de gozar da obra dunha das grandes figuras do panorama da arte galega actual e tamén ser testemuñas excepcionais do seu proceso creativo entre Cambados, Madrid e Nova Iorque.

A exposición reúne oito esculturas e cinco traballos en papel producidos dende os anos noventa ata a actualidade que forman parte das coleccións de arte de ABANCA e Afundación.

Entre as obras seleccionadas atópanse algunhas tan significativas como as catro ‘Recolectoras’ (2003) ou ‘Fauno’ (2007), cinco pezas en madeira en gran formato que teñen alcanzado un verdadeiro estatus simbólico na escultura galega contemporánea. O seu traballo en granito, outro dos materiais de referencia na súa produción artística, tamén está reflectido na mostra coa escultura ‘Cabeza’, de 1988.

O proxecto expositivo enriquécese cun interesante material multimedia procedente do documental ‘Sísifo confuso. Traballos e días de Francisco Leiro’, escrito e dirixido por Aser Álvarez para Arraianos Producións. Unha serie de fotografías en gran tamaño e unha peza audiovisual sobre cada un dos seus tres lugares de traballo ofrécennos unha visión inédita tanto do artista como do seu proceso creativo, que se desenvolve entre Cambados, Madrid e Nova Iorque.

É a primeira vez que o artista abre as súas portas a un equipo audiovisual, polo que o proxecto danos unha oportunidade única de ser testemuñas dende un punto de vista persoal e íntimo de como leva a cabo su produción o artista galego con maior proxección internacional na actualidade.

Como peche do percorrido inclúense unha serie de fotografías de obras de Francisco Leiro que se poden contemplar en diferentes puntos da cidade de Pontevedra, como exemplo da importancia que ten na súa traxectoria a escultura civil.

Este proxecto expositivo responde a unha das liñas estratéxicas de ABANCA no marco da súa política de RSC, que é contribuír dentro das súas posibilidades a divulgar a cultura e o coñecemento dos artistas galegos, ao mesmo tempo que ofrece a todos os cidadáns a posibilidade de gozar do seu rico patrimonio artístico.

A exposición poderá visitarse ata o 28 de xaneiro no Café Moderno Afundación de Pontevedra en horario de luns a venres de 17.30 a 20.30 horas e os sábados de 11.00 a 14.00 e de 17.30 a 20.30 horas.

De forma paralela, ABANCA e Afundación teñen organizado un programa de actividades no que xa reservaron praza para participar 630 escolares da cidade e os arredores.

Neste proxecto de recuperación e divulgación documental sobre o rural galego conflúen os esforzos e as vontades de institucións, individuos e colectivos que acreditamos na necesidade de coñecer o noso pasado para poder analizar o presente e afrontar conxuntamente os importantes desafíos e retos do mundo rural de hoxe e de mañá.

Esta edición multimedia, impulsada polo colectivo ACUDE Rural co asesoramento técnico de Arraianos Producións, que conta do apoio de AGADER e da Xunta de Galicia e a colaboración da Mediateca do Ministerio de Agricultura, Pesca e Alimentación, así como dos enxeñeiros Jaume Lloveras e Juan Piñeiro entre outros colaboradores, é unha escolma única de textos, material fotográfico e cinematográfico sobre a Galicia rural, que se enmarca dentro dun ambicioso proxecto editorial e socializador, pioneiro en España, que quere contribuír á divulgación do patrimonio e, sobre todo, ao debate sobre o presente e futuro do mundo rural.

Esta exposición, realizada por AFundación e comisariada por Arraianos Producións e inaugurada o 9 de Marzo do 2021 convida a reflexionar sobre o pasado recente e o futuro das aldeas galegas. A VIDA LENTA estimula o debate sobre o ritmo de vida actual, a sostibilidade do medio, a nosa relación cos ciclos naturais ou o imaxinario do rural.

Na exposición puidemos atopar

• Máis de setenta fotos da historia recente do rural galego dende 1935 a 1990 de autores como Jaume Lloveras e Carlos Valcarcel.
• Corenta minutos de pezas audiovisuales recuperadas do arquivo do Ministerio de Agricultura, Pesca e Alimentación, entre ellas algunhas destacadas como “O carro e o home”, de Antonio Román (1934) e “La ciudad y el campo”, de Carlos Velo (1934).
• Unha banda sonora composta específicamente para a exposición por Moisés Quintas basado nos “alalás” e interpretado con instrumentos tradicionais, misturados con sons ambientais da terra recollidos no Consello da Cultura Galega.